Ничек финанс пирамидасы корбаны булмаска? (Үзәк банк белгече КИҢӘШЕ)

Аның сүзләренә караганда, хәзерге заман пирамидалары 90 нчы еллардагы МММнага охшамаган. Хәзерге вакытта “акча өләшүчеләр” зур табыш вәгъдә итеп “һава” сата.

– Җинаятьчеләр хәзерге вакытта текә саналган темалардан файдалана. Мәсәлән, криптовалюта. Җинаятьчеләр криптовалюта дип, “һава” сата. Бу бернәрсә дә аңлатмый торган, аңлаешсыз сайтлардагы саннар. Кешеләр шуның өчен чын акчасын бирә, - ди белгеч.

Ул финанс пирамидаларының төп үзлекләрен дә санап үтте. Болар:

– зур табыш вәгъдә итү;

– интернет һәм мәгълүмат чараларындагы актив реклама;

– табыш алу схемасы аңлаешсыз;

– “челтәрле маркетинг” тибында төзелгән бизнес;

– инвестицияләрнең расланмавы;

– сайтларда элемтә өчен контактларның булмавы.

Белгеч әйтүенчә, төп билгеләрнең берсе – Россия банкы лицензиясенең булмавы. Шунсыз оешмалар кешедә шик уятырга тиеш. Компания-оешмларны тикшереп карарга мөмкин. Моның өчен, белгеч әйтүенчә, алар турында Дәүләт реестрындагы мәгълүматны укырга, Федераль салым инспекциясендәге мәгълүмат белән танышырга кирәк.

Чыганак һәм фото: https://vatantat.ru/2021/07/58650/