«Миңа ышанучыларга рәхмәт»

Ул 2 нче урта мәктәпнең 11 нче сыйныфында укый, укуда аерым уңышлары өчен Илдар Гыймаев исемендәге стипендиягә лаек булган. Аделина белән аның уңыш сере турында сөйләшәбез.

- Мондый нәтиҗәгә ирешү авырмы һәм син моның өстендә озак эшләдеңме?

- Авыр дип әйтмәс идем. Мин башка вакытларга караганда күбрәк эшләдем генә. Кече сыйныфлардан ук үземә тиз тормыш ритмы куйдым. Укытучым минем сәләтләремне күреп алып, аларны үстерә башлады, төрле конкурсларда даими катнаштым. 11 сыйныфта миңа кыенрак туры килә, чөнки БДИга даими әзерлек күңелем өчен нәрсә дә булса эшләргә мөмкинлек бирми. 10 сыйныфта укыганда төрле конкурсларда, түгәрәкләрдә, волонтерлыкта катнашырга өлгердем.

- Көндәшләребез булганда, без тагын да яхшырак булырга тырышабыз. Үсә барган саен көндәшеңнең синең кебек үк кеше икәнен аңлый башлыйсың, һәм әгәр җиңү яуласа, димәк, сиңа тагын да күбрәк тырышырга кирәк.

Бәлки, кемгәдер минем барлык бүләкләрем миңа җиңел генә бирелгән, дип тоеладыр. Әмма сәхнәдә тезләремнең калтыравын, бу мизгелдә тавышымның югалуын, дулкынлануымны беркем дә күрмәде. Җиңүнең миңа җиңел генә бирелмәвен үзем генә аңладым.

— Миңа ышанган, барлык башлангычларымда ярдәм иткән, үз вакытларын һәм көчләрен сарыф иткән укытучыларыма рәхмәт әйтәсем килә. Мин моны хөрмәт итәм һәм кадерлим. Беренче укытучым Әлфия Рәис кызы Нәҗмиевага рәхмәт әйтәсем килә, нәкъ менә ул минем потенциалны күреп, дөрес юнәлешкә юнәлтте. Рус теле һәм әдәбияты укытучысы Олеся Петровна Мордвиновага рәхмәт белдерәм, ул әдәбиятка, шигырьләргә тартылуымны күреп алды, без аның белән әдәбият темасына һәрвакыт фикер алышабыз. Тарих укытучысы Ирина Геннадиевна Игнатьевага рәхмәт, нәкъ менә аның белән безнең эшебез республика дәрәҗәсендә призлы урын алды.

- Беренче чиратта, әлбәттә, әти-әнием, дусларым. Җиңүләрне генә түгел, җиңелүләрне дә бүлешүләре күңелгә рәхәтлек бирә , һәм шуңа карамастан, алар мине яратудан туктамый, ярдәмеңне тою рәхәт. Нәкъ менә аларның ярдәме мине алга таба җиңүләргә этәрә. Мине балачактан ук бу тормышта берни дә җиңел генә бирелми, дип өйрәттеләр. Әти-әнием гаиләдә шудый кагыйдә булдырган: барысына да үз хезмәтләрең белән ирешергә кирәк. Синең оттыруың да җиңүче рухын үтерергә түгел, ә чыныктырырга гына тиеш.

- Киләчәккә планнар турында сөйләргә бик яратмыйм. Хыялланган нәрсәне сер итеп сакларга кирәк, дип ышанам.

- Стипендияне әле тотмадым, Яңа ел бәйрәмнәренә кичектердем, туганнарыма бүләкләр ясыйсым килә. Алар миңа бик кадерле, мин аларны бик яратам.

- Үсеп килүче буынга теләгең.

- Иң мөһиме - тормышка сөенү, чөнки күп кенә күңелле вак-төякләрне, кызганычка каршы, күрмибез. Һәм туганнарыңның исән-сау булуларына сөенергә!

Карина ПАВЛОВА әңгәмәләтше

Фото Аделина Хисаметдинованың шәхси архивыннан.