Ярминкәгә эш эзләп

12 март көнне Бишбүләк авылы Мәдәният йорты фойесында эшсез һәм эш эзләүче гражданнар өчен быел беренче тапкыр вакансияләр ярминкәсе булып узды. Ярминкәдә тугыз эш бирүче катнашты: «Тандер» җәмгыятенең — «Магнит у дома» супермаркеты, «Озын гомер» автономияле социаль хезмәт күрсәтү оешмасы, Киров исемендәге аыл хуҗалыгы предприятиесе, «Мәгариф бүлеге» муниципаль казна учреждениесе, «Агроторг" җәгыятенең «Пятерочка» кибете, «Ямалтдинов Р.Т.» крестьян-фермер хуьалыгы, Бишбүләк район үзәк больницасы, «Васильев Ю.А.» шәхси эшкуар , «Михайлов А.В.» шәхси эшкуар 25 вакантлы эш урыны турында мәгълүмат бирделәр.

Ярминкәгә 50дән артык эшсез граждан һәм эш эзләүче гражданнар килде. Эш бирүчеләр эш бирүчеләр белән турыдан-туры сөйләшү, тәкъдим ителгән оешмаларның кадрлар хезмәте анкеталарын һәм резюмеларын тутыру мөмкинлеге алдылар.

Көньяк-көнбатыш районара халыкны эш белән тәэмин итү үзәге белгечләре тарафыннан эшсез гражданнарга хезмәт базарындагы хәл, һөнәри юнәлеш бирү буенча дәүләт хезмәтләре күрсәтелде. Шулай ук Халык мәшгульлеге үзәге хезмәткәрләре эш бирүчеләргә персоналны «Россиядә эш» порталы һәм хезмәт һәм мәшгульлек министрлыгының интерактив порталы аша сайлап алу мөмкинлекләре турында мәгълүмат бирделәр.

Эш эзләүчеләргә мәгълүмати стендлар әзерләнгән иде, алар ярдәмендә эшсез гражданнар Россия шәһәрләре һәм район оешмаларының вакансияләре турында, шулай ук уку урыннары турында мәгълүмат белән таныша алдылар.

Үзләре өчен кызыксындыручы вазыйфаны сайлаган, әмма тиешле белеме булмаган ярминкәдә катнашучылар мәшгульлек үзәге юнәлеше буенча һөнәри белем алырга тәкъдим иттеләр. Ярминкәгә килүчеләргә профессиональ-консультатив хезмәт күрсәтелде.

Көньяк-көнбатыш районара халыкны эш белән тәэмин итү үзәгенең бүлек башлыгы О.А. Минегалина катнашучыларны хезмәт базарындагы хәзерге хәл, мәшгульлек үзәге тарафыннан күрсәтелә торган дәүләт хезмәтләре, хезмәт базарындагы киеренкелекне киметүгә юнәлдерелгән өстәмә чаралар, шулай ук эшсез гражданнарга һөнәри белем алу һәм үз эшләрен оештыру мөмкинлекләре белән таныштырды.

Хезмәт буенча белгеч Р.Г. Зарипова катнашучыларга хезмәт килешүләре төзегәндә законнарның гомуми тәртибе һәм үтәлеше, шулай ук формаль булмаган эш белән тәэмин итү һәм аның нәтиҗәләре турында сөйләде.

Киров исемендәге кооператив вәкиле О.Н.Рузаков вакантлы эш урыннары оештыру һәм оешма тарафыннан күрсәтелә торган шартлар турында сөйләде.

Чара барлык санитар-эпидемиологик нормаларны һәм кагыйдәләрне үтәү белән үткәрелде.

Айгөл ГӘРӘЕВА.

Автор фотосы.