Мартта бакча эшләре

Еш кына агачларның кабыклары пешә. Әгәр агачларны акшарларга өлгермәгәнсеә икән, агачның туфрактан өске өлешен ачык төстәге кәгазь яки газета белән төрергә кирәк.

Агачларның куяннар һәм тычканнар кимереп зарарлаган җирләрен күрүгә, аңа бакча сумаласы сыларга кирәк. Сумала сылагач, бу урыннан кара пленка белән тыгызлап бәйләп куялар. Пленка булмаса, кара кәгазь дә ярый.

Күчереп утырту өчен сәламәт һәм мул уңыш бирә торган карлыган, кура җиләгенең берьеллык ботакларын кисеп алалар.

Март уртасында редис утыртырга кирәк. Түтәлдәге кар өстенә бераз көл белән торф сибеп, кар эрүне тизләтәләр. Орлыкны чәчәргә бер көн кала түтәлгә кайнар су сибәләр. Орлыклар эре(2,5-3мм) булырга тиеш.

http://tabigat.ucoz.ru/