Якты юлдан
+13 °С
Болытлы
Барлык яңалыклар
Общие статьи
22 гыйнвар 2019, 11:52

Көрәгегезгә кар ябышмас!

Кыш үзенекен итә. Акрын гына кар сырынтылары салып китә. Йорт-кура тирәсен вакытында чистартып тормасаң, көрт басып китәргә генә тора.

Юеш карны көрәү үзе авыр булса, көрәккә кар ябышу бу мәшәкатьне тагын да катлауландыра. Хәзер кибетләрдә көрәкнең ниндие генә юк: металл, пластик, агач. Әмма аларның берсе дә кар ябышудан азат түгел. Эшне җиңеләйтүнең берничә юлы бар. Аларның кайсы да файдалы, нәтиҗәле булыр.


1. Парафин яисә балавыз. Чиста, коры көрәккә аларның кайсын да булса сөртеп, горелка яисә фен ярдәмендә җылытырга кирәк.
2. Чаңгы майлый торган мазь, спрей. Моның өчен, әлбәттә, аны махсус кибеткә барып, сатып алырга кирәк.
3. Әгәр кул астында “WD-40” спрее бар икән, көрәккә шуны сиптерегез. Кар көрәү шунда ук җайланып китәчәк. Ул автозапчастьләр сатыла торган кибетләрдә бар.
4. Әгәр өегездә боларның берсе дә булмаса, аяк киемнәрен чистарта торган гади генә силиконлы губка ярдәмгә киләчәк. Арзан да, нәтиҗәле дә!

Читайте нас: