Бал кортлары кыш көне нишли?

Бал кортлары беркайчан да йокламый. Кыш көнне дә, җәй көнне дә алар уяу. Бал ташый торган бал кортларының үзенчәлеге: алар кышкы йокыга (анабиозга) талмый. Башка бөҗәкләр — чебеннәр, шөпшәләр һәм башкалар кебек, бал кортлары йоклап ятмый. Бу турыда умартачылар сайтында язылган.

Бөҗәкләрнең күбесенең организмында 20 процент чамасы туклыклы матдәләр туплана. Шуның хисабына алар кышны йоклап уздыра.

Бал корты организмында мондый туплау үзлеге юк. Кышка кергәндә бал кортының гәүдәсендә майлар 1,2–2,3 процент кына була. Бу үзлек хисабына бал кортлары үзләренә кирәк кадәр генә түгел, күпкә артык азык җыя һәм шуны саклый. Нәкъ менә шул азыкны ашап торып, алар ризык аз булган, салкын озак дәвам иткән вакытта, яңгырлы көннәрдә исән кала.

Кыш көнне җылылыкны саклау өчен бал кортлары йомгак булып җыелыша. Кышны чагыштырмача актив халәттә, бал ашап уздыралар. Әлбәттә, бу вакытта аларның тормыш ритмы акрыная. Физиологик процесслар чагыштырмача сүлпән бара. Шул хисапка алар азыкны сакчыл куллана.

https://intertat.tatar

Читайте нас:

Телефон

8(34743) 2-11-92

Адресы

452040, РБ, Бижбулякский район, с.Бижбуляк, ул. Советская, 31

Реклама хезмәте

8(34743) 2-12-83

Редакция

8(34743) 2-11-92

Кабул итү бүлмәсе

8(34743) 2-12-82

Кадрлар бүлеге

8(34743) 2-12-83