Баланың чәчен алу

Хәдисләрдән күренгәнчә, башның башта уң, ә аннары сул ягын кырырга кирәк. Башның бер өлешен кырып, икенче өлешен кырмый калдырырга ярамый. Чөнки Пәйгамбәребез салләллаһу галәйһи вә сәлләм әлеге гамәлне тыйган. Баланың чәчен корбан (гакыйка корбаны) чалганнан соң алсаң - яхшырак. Күп кенә

галимнәр дә нәкъ менә шулай эшләү яклы. Кызганычка, бүгенге көндә күп кенә мө­селманнар әлеге сөннәт гамәл турында оныта­лар яисә балаларына зыян китерүдән куркып, чәчләрен алмый калдырып, әлеге йоланы үтә­миләр. Ләкин бу бала сәламәтлеге өчен куркыныч гамәл булса, моны Пәйгамбәребез салләллаһу

галәйһи вә сәлләм һәм аның сәхабәләре дә эш­ләмәс иде.

Шулай ук матди хәлегезгә карап, чәч авыр­лыгы күләмендә көмешләтә яки алтынлата хәер дә бирергә кирәк. Хәсән туганнан соң, Пәй­гамбәребез кызы Фатыйма радый-аллаһу ганһәгә болай ди: «Баланың чәчен ал һәм алынган чәче авырлыгында көмешләтә хәер бир». Хәерне шулай ук җиденче көндә дә бирергә була. Әмма бу мәҗбүри түгел, шунлыктан хәер бирүне кичектереп торырга мөмкин.

http://www.islamsamara.ru/