Яңа ел каникуллары озайтылырмы?

Башкортстан мәгариф министры Айбулат Хаҗин “Башкортостан” телеканалына биргән интервьюсында әлеге сорауга да тукталды.

“График буенча безнең каникуллар 11 гыйнварга кадәр каралган. Аннары укулар башланырга тиеш, – диде ул. – Әмма әлеге вакытта федераль дәрәҗәдә икенче яртыеллыкта уку-укыту графигы буенча фикер алышулар бара. Ковид-19 буенча федераль оператив штабта карар кабул ителгәч, без, әлбәттә, бу мәгълүматны укучыларга да, ата-аналарга да җиткерәчәкбез”.

Мәктәпләрдә икенче чирек 30 декабрьдә тәмамланачак. Бу – каникуллар алдыннан соңгы уку көне булачак, дип белдерде министр.

https://omet-rb.rbsmi.ru