"Үлемсез полк"ның сафлары тулылана

Бишбүләктән Салаватовлар гаиләсендә фронтовик-бабайларының героик эстафетасын яшь буынга кадерләп тапшыра.

Быел бөтен ил буенча үзизоляция чаралары аркасында 9 майга парад булмады, ә «Үлемсез полк» йөрешен өй шартларында үткәрергә карар ителде.

Әти-әниемнең бәхете булды: әтиләре, яралансалар да, 1941-1945 еллардагы Бөек Ватан сугышы фронтларыннан исән-сау кайтканнар. Әнием линиясе буенча рядовой Мөхәммәт Вәли улы Җәлилов 1907 елда туган Кунаккол авылында туган, Мәскәү янында авыр яраланып, госпитальдә бераз дәваланганнан соң, 1942 елда өенә кайтарыла. Әтием ягыннан рядовой Габдрахман Минзакир улы Салаватов 1906 елда туган, Сталинград сугышында катнаша, 1943 ел азагында авыр яраланып, Кыңгыр-Мәнәвез авылына кайта.

Хәзер, күпләр гаилә музейлары булдыра. Район үзәгендә беренчеләрдән булып мин биш ел элек үк мин үземчә музей булдырдым. Анда «Хәтер» китабының барлык томы, «Алар 1941-1945 еллардагы Бөек Ватан сугышында җиңеп кайтканнар» китабы, кызылармияче бабайларының китаплары, аларның орден-медальләре тупланган. Чын армия солдат каскасы бар. Җиңү көненә карт әтием Габдрахман һәрвакыт кия торган парад костюмы да бик яхшы сакланган.

Бөек Җиңүнең 75 еллыгы алдыннан оныкларым Рафаэль Махиянов һәм Камилла Ишмөхәммәтова, Шамил абыемның оныгы Илүзә Салаватова гаилә музеенда булдылар. Мин аларга барысына да данлы бабалар турында җентекләп сөйләдем, аларның бүләкләрен күрсәттем. Бергә аларның фоторәсемнәрен «Үлемсез полк» онлайн-йөрешенә әзерләдек. Без, һичшиксез, 24 июньдә Җиңү парадына район үзәгенең үзәк мәйданына чыгачакбыз һәм 1 июльдә туган авыл урамнары буйлап меңләгән «Үлемсез полк» сафларында узачакбыз.

Наил САЛАВАТОВ, хезмәт ветераны
Бишбүләк авылы.
Автор фотосы.

Читайте нас:

Телефон

8(34743) 2-11-92

Адресы

452040, РБ, Бижбулякский район, с.Бижбуляк, ул. Советская, 31

Реклама хезмәте

8(34743) 2-12-83

Редакция

8(34743) 2-11-92

Кабул итү бүлмәсе

8(34743) 2-12-82

Кадрлар бүлеге

8(34743) 2-12-83