Ана капиталына кагылышлы яңалык бар

Әле хәйләкәр риэлторлар гаиләгә яшәргә яраксыз иске йорт сата иде дә, ана капиталы сатучы исәбенә килеп кергәч, акчаны үзе, гаилә һәм арадашчы арасында бүлә иде. Балалы гаилә шул йортта утырып кала иде.

Хәзер Пенсия фонды белгечләре гаилә сатып алачак йортны барып караячак. Аннары гына сату-алу килешүе һәм акча күчерү хупланачак.

Мошенниклык кылу факты ачыкланса, алыш-биреш законсыз дип танылачак һәм акчаны кире кайтарырга туры киләчәк.