Йөрәкнең еш һәм сирәк тибүе нинди авыруларга китерә?

Кешедә физиологик аритмия - табигый күренеш. Йоклаганда һәм хәрәкәтләнгәндә йөрәк төрлечә эшли, бу – норма. Патологик аритмия исә – авыру дигән сүз. Табибларга күп вакыт физиологик аритмиядән патологик төрен аеру кыенга туры килә. Димәк, диагностиканың роле бәяләп бетермәслек дигән сүз.

Икенчедән, патологик аритмия – үлемгә китерә торган төп механизмның берсе. Аңа авыру сәбәбе дип кенә карарга ярамый. Инсульт, инфаркт кебек авыруларны халык ишетеп белә, аннан ничек тә сакланырга тырыша. Ә менә инсульт 25 процент очракта аритмиядән килеп чыга.

Кинәт йөрәк туктау – шулай ук аритмия механизмы эше. Кинәт йөрәк туктау буенча статистика юк, чөнки моны билгеләү җиңел түгел. Әмма шулай да кан тамыры-йөрәк системасы авыруларының 25 проценты кинәт килеп чыга. Бу – табиб та, пациент та белмәгән үлем дигән сүз. Моның нигезендә аритмия ята.

https://intertat.tatar/copayjavap/y-r-kne-esh-m-sir-k-tib-e-nindi-avyrularga-kiter-/