Күземә арпа чыкты

Бер чәй кашыгы пәйгамбәр тырнагы (календула) чәчәген 1 стакан кайнар суда төнәттем. Шунда марляны чылатып, күземә ябып куя идем.

Шулай ук ак чыршы (пихта) суын һәм маен да файдаланып карадым. Күз кабагын кысып ябып, 1 тамчы су яки майны бармак белән күз кабагына сөртәсең. Иң мөһиме, күзгә керергә тиеш түгел.

Арпа белән интеккәндә берьюлы 5-6 гөлбадран (пижма) чәчәген ашарга кирәк. Артыннан су эчәргә онытмагыз.

Башта йогышсызландырылган бинтны 3 процентлы бор кислотасына, яки ромашка төнәтмәсенә, һичьюгында чәйгә манып компресс куялар. Аны көнгә 2 тапкыр алыштыралар.

Йогышлы авыру икенчесенә дә күчмәсен өчен, таза күзгә көненә 2-3 тапкыр альбуцид тамызырга, күз кабагына мазь сөртергә кирәк.

- арпа чыккан күзне бәйләргә ярамый. Чөнки бактерияләрнең күпләп үрчеп, бөтен күзгә таралуы бар;

- арпаны сыта күрмәгез.