Барлык яңалыклар
Жәмгыять
30 июль 2021, 11:05

Дәүләт Думасында августтан үз көченә керәчәк законнар турында искәрттеләр

Россиядә август аенда берничә яңа закон үз көченә керәчәк. Закон актларының тулы исемлеге РФ Дәүләт Думасы сайтында басылып чыкты. Бу хакта «Известия» хәбәр итә.

Дәүләт Думасында августтан үз көченә керәчәк законнар турында искәрттеләр
Дәүләт Думасында августтан үз көченә керәчәк законнар турында искәрттеләр

Август аеннан РФ гражданнары спорт белән шөгыльләнүгә салым чигерүе акчасын ала алачак. Салым чигерүе 2022 елның 1 гыйнварыннан алынган керемнәргә кагылачак.

Август аеннан автомобиль йөртүчеләрне ОСАГО шартнамәсен төзегәндә техник күзәтү узу турында документ тапшыру вазифасыннан азат итәчәкләр.

Моннан тыш, үзгәрешләр Россия гражданлыгы булмаган затларга кагыла. Алар ун елга шәхесне раслый торган вакытлыча таныклык алачак.

Август аеннан чит ил гражданнары ярты елга Россия визасын ала алачак. Аларга классификацияләнгән кунакханәләр исемлегенә кергән торакны броньларга яки туроператордан бердәм реестрдан чакыру күрсәтергә кирәк булачак.

Шулай ук төбәк башлыклары хәзер рөхсәт ителгән ау төрләрен, аның срокларын һәм башка шартларны Россия Федерациясе Табигать ресурслары һәм экология министрлыгы белән килештергәннән соң үзләре билгели алачак.

2021 елның җәеннән башлап, Россиядә салым резидентлары булмаган физик затлар дәүләт һәм муниципаль кыйммәтле кәгазьләрдән керемгә салымнарның бер өлешен түләүдән азат ителәчәк.

https://tatar-inform.tatar/news/politics/29-07-2021/d-l-t-dumasynda-avgusttan-z-k-chen-ker-ch-k-zakonnar-turynda-isk-rttel-r-5831972

Фото: http://news.sarbc.ru/

 

Дәүләт Думасында августтан үз көченә керәчәк законнар турында искәрттеләр
Дәүләт Думасында августтан үз көченә керәчәк законнар турында искәрттеләр
Автор:
Читайте нас в