2024 елда эшләмәүче пенсионерларның картлык буенча пенсиясе 20 мең сумнан артачак

2024 елда картлык буенча уртача еллык иминият пенсиясенең күләме 20 338 сумга җитәргә мөмкин.

РИА Новости агентлыгы хәбәр иткәнчә, Пенсия фондының 2022 елга һәм 2023-2024 елларның план чорына бюджетындагы төп характеристикаларында шулай диелә.

Документ нигезендә, пенсияләрне еллык индексацияләү 1 гыйнвардан үткәрелергә тиеш.

Планлаштырылганча, 2022 елда индексация күләме – 5,9, 2023 елда – 5,6, 2024 елда 5,5 процент тәшкил итәчәк. Нәтиҗәдә, эшләмәүче пенсионерларның картлык буенча иминият пенсиясенең уртача еллык күләме 2022 елда – 18 447, 2023 елда – 19 399, 2024 елда 20 388 сум тәшкил итәчәк.

Моннан тыш, 2022 елда Россиядә иминият пенсиясе – 39,57 миллион, 2023 елда – 38,93 миллион, 2024 елда 38,86 миллион кешегә түләнер дип көтелә.

Билгеләп үтелгәнчә, 2022 елга һәм 2023-2024 елларның план чорына тупланма пенсиянең күләменә һәм ашыгыч пенсия түләүләренә төзәтмә кертү күздә тотылмый.

http://maydan.tatar/2024-elda-eshlemeuche-pensionerlarnyn-kartlyk-buencha-pensiyase-20-men-sumnan-artachak/

Фото: https://www.topnews.ru/