Якты юлдан
+17 °С
Яңгыр
Барлык яңалыклар
Жәмгыять
13 Май 2019, 11:52

Авыл җанланды

Кәрим авылы халкы зур өмә оештырды

Староста Альмира Арысланова инициативасы белән авыл территориясен төзекләндерергә 50дән артык кеше чыкты, ә торак пунктта 64 кеше теркәлгән. Бәйрәм көннәрендә әти-әниләренә кунакка кайтучылар да катнашты. Дүрт бригада, дүрт берәмлек техника эшләде. Берәүләр авыл урамнарында hәм кирпеч заводына кадәр юл буендагы баганаларны агартты, башкалар парк коймасын буяды. Ике бригада урам hәм ташландык урыннарны җыештырды. 20гә якын арба чүп-чар — ботак hәм коры үлән чыгарылды.

Бу көнне авылда күңел ачу hәм шатлык хөкем сөрде. Әйтерсең, авыл җанланды. Урамда иптәшлек, дуслык, үзара ярдәм атмосферасы иде. Бөтен җирдә авылдашларының көлүе, тракторларның шау-шуы, бензин пычкыларының шау-шуы яңгырап торды. Кичкә таба күпкә чистарак, иркенрәк, рәхәтрәк булып калды. Таралышканда, авыл халкы төзекләндерү буенча өмәләрне ел саен үткәрергә карар итте.

Авылның торышына битараф булмаган кешеләргә, үз көчләрен hәм вакытын кызганмыйча, өмәдә катнашучыларның барысына да зур рәхмәт. Бу башлангыч киләчәк буыннар өчен яхшы үрнәк булсын иде.

Гүзәл АРЫСЛАНОВА,

Кәрим авылы.

Автор фотосы.
Читайте нас: