Җиңү паркы җыештырылды

Бишбүләк авылының 2 санлы мәктәбеннән педагогик хезмәткәрләр hәм мәктәп укучылары Җиңү паркы территориясен чүп-чардан hәм узган елгы яфраклардан чистарту буенча беренче язгы өмә үткәрде. Тырма, носилка, чүп-чар капчыклары алып, бирегә җитәкчеләре белән 5 — 8 сыйныфларның 185 укучысы чыккан. Паркка керү юлында алдан ук чүп-чар төяү өчен трактор арбасы куелган. Өмәдән соң парк үзгәрде, әйтерсең, яңа җирне тишеп чыккан яшел үлән hәм каен hәм чыршыларның бүртә башлаган бөреләре белән җанланды.

Владимир СМОЛОВ.

Автор фотосы.