Якты юлдан
+12 °С
Болытлы
Барлык яңалыклар
Жәмгыять
11 апрель 2019, 11:15

Бишбүләк районы: кичә hәм бүген

Мәдәният сарае фойесында оештырылган күргәзмә туган якның йөз еллык тарихын чагылдырды

Башкортстан Республикасының 100 еллыгына багышланган юбилей тантанасының күпсанлы катнашучылары hәм кунакларын, Мәдәният сараеның үзәк ишекләре hәм төрле төстәге утлар янган «Мин яратам сине, Бишбүләк!» фотозонасыннан алып район символы — анимацион Байбак ачык йөз белән каршы алды. Ул игелекле кул хәрәкәте ярдәмендә фойеда урнаштырылган бай күргәзмә белән танышырга тәкъдим итте, ул тарихи үткәнне hәм бүгенге көндә районыбызның тормыш-көнкүрешен бәйләүче буын буларак куелган иде.

Башкорт кураенда башкарылган лирик көйләр, матур стендлар, бик күп картиналар hәм сөлгеләр, балаларның матур оригиналь кул эшләнмәләре hәм төрле торак пунктлардагы осталарның үзенчәлекле эшләре күргәзмәне төрле яшьтәге кешеләр өчен искиткеч hәм игътибарга лаеклы итте.

Кече фойеда азык-төлек продуктлары тәкъдим ителде. «Бишбүләк икмәк комбинаты» оешмасы 55 төр кондитер hәм 50 төр икмәк-күмәч әйберләре hәм үзебездә җитештерелгән лимонад куйган. Икмәк пешерүчеләр шунда ук үз продукциясен сатты. Халык крестьян (фермер) хуҗалыклары продукциясе тәкъдим ителгән өстәлләрне уратып алды. Барлык теләүчеләр район кулланучылар кооперативлары җитештергән продукцияне татып карый алды. «Куш-Елга сөте» кооперативы каймак, эремчек, кефир, өч төрле сыр hәм кымыз эчемлеге, төрле чәчәк hәм үләннән бал, «Зәкиев hәм К» шәхси предприятиесе сөт продукциясе hәм үзләренең камыр ризыкларын, С.А. Тарасов хуҗалыгы теплицалардан кыяр hәм яшел тәмләткечләр тәкъдим итте. Төрле эчемлекләр hәм кулинария ризыклары белән «Тәм дөньясы» кафесы хезмәткәрләре дә үзләренең сәүдә маркасын лаеклы тәкъдим итте. Ә аннары рухи азык алырга халык иҗаты галереясенең ачык ишекләренә кереп була иде: биредә инде картиналар, уеп бизәлгән сандыклар hәм халык осталарыбызның башка искиткеч иҗат җимешләре тәкъдим ителгән иде.

Зур фойе яхшы дизайнер зәвыгы белән бизәлгән. Бөтен стенага башкорт тирмәсенең эчке ягы торгызылган. Бу матур башкорт милли киемнәрендә Каныкай авылы Мәдәният йорты хезмәткәрләре тырышкан. Алар башкорт милли кухнясының күп санлы тәм-томнарын әзерләгән, ә бина интерьерын борынгы артефактлар белән бизәгәннәр. Идәндә хәтта чын аю тиресе дә ята. Бишбүләк тарих-этнография музее хезмәткәрләре дә тырышкан. Алар үзләренең стендлары hәм экспонатлары белән борынгылыкның тирән катламын ачып биргән. Биредә хәтта район территориясендә табылган меңьеллык мамонт тешләре бар иде. Музей фондларында сакланучы сармат кылычлары, безнең эраның VI гасыр ук очлары кебек сирәк табылдыклар беренче тапкыр куелган. Хәтта 1773 — 1775 еллардагы Пугачев восстаниесе сугышы чорыннан пушка ядрәсе дә бар. Безнең районга да кагылган 1918 — 1922 еллардагы канкойгыч Гражданнар сугышы табылдыклары да кyп иде. 1936 елның 7 апрелендә бирелгән «Колхозлар тарафыннан җирдән мәңгелеккә файдалануга дәүләт актлары» hәм «Бишбүләк районы хезмәтчәннәренең Мактау китабы (1964 елдан алып 1988 елга кадәр)» кебек тарихи документлар кызыксынучыларны үзенә җңлеп итте. Экспонатлар районның танылган кешеләренең фотосурәтләре белән гармонияле чиратлашты. Янәшәдә «Минем республикам» республика фотоконкурсында җиңүчеләрнең фотосурәтләре күргәзмәсе, ачык баннерлар фонында алтын ялтыравыклары белән карашны җәлеп итүче республика hәм Русия ярышларының бүләкләре — кубоклар hәм медальләр урнаштырылган, Балалар сәнгать мәктәбе тәрбияләнүчеләренең «Туган табигать почмаклары» күпсанлы рәсемнәре hәм Балалар иҗаты үзәге балаларының бик яхшы эшләнмәләре урнашкан иде. Ә зал уртасында районның гомуми белем бирү мәктәпләре укучыларының күпсанлы матур эшләнмәләре куелган, алар үз эшләрендә яраткан республикабызның бер гасырлык юбилеен лаеклы рәвештә чагылдыра алган.

Владимир СМОЛОВ.

Автор фотосы.
Читайте нас: