Акчаң аз булса, балаңны да тартып алырлармы?..

Русиядә балаларны аз керемле гаиләләрдән алуны тыярга тәкъдим итәләр. Русия Ата-аналар комитеты рәисе Ирина Волынец Премьер-министр Дмитрий Медведевка шундый мөрәҗәгать юллаган. Бу хакта RT телеканалы хәбәр итә.

Волынец ачыклык керткәнчә, аз керемле гаиләләр еш кына авыр тормыш хәлендә кала һәм коммуналь хезмәтләр өчен түли алмый.

Бурычлары җыелу аркасында аларның өйләрендә электр утын өзәләр, газ һәм су белән тәэмин итүне туктаталар, нәтиҗәдә, балаларны әлеге гаиләләрдән алырга туры килә.

Киләчәктә баланың сәламәтлегенә һәм тормышына куркыныч янаган очракларда гына аны әти-әнисеннән аеру алымы кулланылырга тиеш була. Әлеге пунктны закон нигезендә беркетергә кирәк, дип искәртә мөрәҗәгатьнең авторы.

Бер яктан карасаң, кешелекле тәкъдим. Икенче яктан караганда, ул кешеләр нигә аз тәэмин ителгән соң?

https://kiziltan.ru/obchestvo/20451-akcha-az-bulsa-balany-da-tartyp-alyrlarmy.html

Читайте нас:

Телефон

8(34743) 2-11-92

Адресы

452040, РБ, Бижбулякский район, с.Бижбуляк, ул. Советская, 31

Реклама хезмәте

8(34743) 2-12-83

Редакция

8(34743) 2-11-92

Кабул итү бүлмәсе

8(34743) 2-12-82

Кадрлар бүлеге

8(34743) 2-12-83