Якты юлдан
+18 °С
Яңгыр
Барлык яңалыклар
Жәмгыять
21 март 2019, 12:25

Конкурста Башкортстанның ике вәкиле җиңүче булды

Сочида «Русия лидерлары» конкурсы җиңүчеләрен билгеләделәр. Бәяләү чараларының, мастер-класслар, социаль hәм спорт активлыкның дүрт көненнән соң, илнең 104 иң яхшы идарәчесе аталды, шул исәптән, икесе — Башкортстаннан. Болар — УМПО идарәсе начальнигы Марат Вәлиев белән «Финэкспертиза-Сеть» консалтинг агентлыгының генеральный директоры Илгиз Байморатов.

Илгиз Байморатов әле Мәскәүдә яши, әмма «кызыклы тәкъдим булса», Башкортстанга кайтырга әзер.

Финалда Сочида 300 финалист очрашты. Алар барысы да 1 миллион сумлык белем бирү гранты алдылар. Конкурста җиңүчеләр Русиянең иң яхшы җитәкчеләре арасыннан остаз да алды.

Конкурс Русия Президенты кушуы буенча «Русия — мөмкинлекләр иле» автономияле коммерция булмаган оешма тарафыннан гамәлгә ашырыла.

Финалга чыгу өчен, ярымфиналны уңышлы узудан тыш, конкурста катнашучыларга «Лидер йөрәге» конкурсы кысаларында социаль проектны тормышка ашырырга кирәк иде. Социаль проектны әзерләгәндә hәм тормышка ашырганда, катнашучы лидерлык сыйфатларын күрсәтергә, башка катнашучыларны җәлеп итәргә hәм аны тормышка ашыруны оештырырга тиеш иде.

Башкортстаннан финалга чыгучылар экологик hәм белем бирү проектларын күрсәтте, шуларның берсе Уфада сөяк мие донорларын эзләү буенча акция оештырды.

«Башинформ» мәгълүмат агентлыгы.
Читайте нас: