Башкортстан татарлары Уфада ТНВ коррпунктын киңәйтергә сорады

Башкортстан татарлары «Татарстан – Яңа гасыр» телерадиокомпаниясенең Уфадагы корреспондент пунктын киңәйтү мәсьәләсен күтәрә. «Татар-информ»га Бөтендөнья татар конгрессының Башкортстандагы вәкиле Алик Локманов сөйләгәнчә, Башкортстанда яшәүче татарларның тормышын киңрәк яктырту өчен «ТНВ» коррпунктында штатларны арттырырга кирәк.

«Башкортстанда 1,5 миллион татар яши. Хәзерге вакытта коррпункт татарлар тормышыннан репортажлар ясый. Әгәр иҗади коллектив киңәйтелсә, аналитик тапшырулар да эшләү мөмкинлекләре булыр иде», - дип теләкләрен ирештерде Алик Локманов.

«ТНВ» коррпункты Уфада 2011 елда ачыла. Штатта ике хезмәткәр – журналист һәм видеооператор. Озак еллар анда танылган журналист Фәнис Фәтхи эшләде. Аның вафатыннан соң корреспондент итеп Миләүшә Латыйпова кабул ителә, бу вазифаны башкаруына өч атна булган. «Атнага «ТНВ» өчен 3-4 сюжет төшереп җибәрәбез», - диде ул «Татар-информ»га.

Видеооператор, монтажчы, машина йөртүче вазифасын да башкарган Рузил Имамов сүзләренчә, коррпункт оештырылган чорда биш штат булдыру планлаштырылган булган.

https://tatar-inform.tatar/news

Читайте нас:

Телефон

8(34743) 2-11-92

Адресы

452040, РБ, Бижбулякский район, с.Бижбуляк, ул. Советская, 31

Реклама хезмәте

8(34743) 2-12-83

Редакция

8(34743) 2-11-92

Кабул итү бүлмәсе

8(34743) 2-12-82

Кадрлар бүлеге

8(34743) 2-12-83