Якты юлдан
+26 °С
Болытлы
Барлык яңалыклар
Жәмгыять
28 гыйнвар 2019, 16:59

Дүрт кеше һаләк булган юл-транспорт һәлакәтендә гаепле кеше исерек булган

Башкортстанның Бишбүләк районында Бишбүләк — Миякә автомобиль юлының 25 километрында 27 январьдә юл-транспорт һәлакәтендә дүрт кеше һәлак булган.

«Башинформ» агентлыгы хәбәр иткәнчә, 35 яшьлек урындагы яшәүче кеше идарә иткән «ВАЗ-2115» автомобиле Chevrolet Niva белән бәрелешкән, аның руле артында Миякә районыннан 36 яшьлек кеше булган.

Төбәк дәүләт автоинспекциясе матбугат хезмәте мәгълүматлары буенча, һәлакәт нәтиҗәсендә «ВАЗ-2115» йөртүчесе һәм өч пассажир — хатын-кыз шунда ук һәлак булган. Тагын 33 яшьлек «ВАЗ» пассажиры тән җәрәхәтләре алган.

«Икенче машина йөртүче исерек хәлдә, ул зыян күрмәгән. Тикшерү башланды», — дип билгеләп үттеләр Башкорстанның ЮХХДИ идарәсендә.

Ведомство мәгълүматларына караганда, республика юлларында 15 һәлакәт теркәлгән, аларда дүрт кеше һәлак булган һәм 17се имгәнгән.
Читайте нас: