Россиядә юл-транспорт һәлакәтләрен теркәү өчен мобиль кушымта булдырылачак

ОСАГО буенча түләү алу өчен юл-транспорт һәлакәтләре турында иминият компаниясенә махсус мобиль кушымта ярдәмендә хәбәр итәргә мөмкин булачак, дип яза «Ведомости» газетасы.

Россия Хөкүмәте Карары проектын Россия Элемтә министрлыгы һәм Үзәк Банк әзерләде, дип билгеләп үтә басма ведомство һәм регулятор вәкилләренә сылтама белән.

Документлар төзүне гадиләштерү полиция хезмәткәрләреннән башка рәсмиләштерергә мөмкин булган авариягә эләккән машина йөртүчеләр европротоколы буенча мөмкин булачак.

Анда беркем дә зыян күрмәгән һәм авариядә гаепле кешегә карата каршылык булмаган ике автомобиль катнашкан очраклар турында сүз бара. Шул ук вакытта килгән зыян төбәкләрдә 100 мең сумнан һәм башкалаларда 400 мең сумнан артмаска тиеш.

Мондый аварияләргә эләккән кешеләр беркетмәне мобиль кушымта аша терки алачак, бу исә «ОСАГО турында закон таләпләрен тиешенчә үтәү» буларак каралачак.