Якты юлдан
+13 °С
Яңгыр
Барлык яңалыклар
Жәмгыять
24 декабрь 2018, 16:59

Уфаның уникаль кешесе чатнама суыкта бер футболкада йөри

Әмир Курамшинга 24 яшь, программистка укый һәм салкыннардан бөтенләй курыкмый. Дуслары аңа барлык үтеп баручыларның төп соравына җавап бирүче: «Юк, салкын түгел» – дип күкрәгенә язылган футболка бүләк иткән.

Без белгечләрдән аның салкынны тоймавына аңлатма бирүләрен үтендек. Оператив мәсьәләләр буенча республика ашыгыч медицина ярдәме станциясенең баш табибы урынбасары Александр Степанов могҗизалар булмый һәм кеше организмының минус температураларга һәм озак вакыт суыкта тору өчен тәгаенмәвен билгеләп үтте.


- Әгәр тәнгә минус температураның озак тәэсире булса, ул суыначак. Әгәр температура 36,6 градустан бер яки ярым градустан түбән төшсә, һәр кешенең дә организмда котылгысыз нәтиҗәләр башланачак. Шуңа күрә кешенең урамдагы суыкта киемсез булуы кыска вакыт эчендә генә мөмкин. Бу организмның ияләнүенә бәйле, 5,10, 20 минут, әмма берничек тә ярты сәгатьтән артык түгел. Әгәр кеше билгеләнгән вакыттан күбрәк салкында торса, ул туңу алырга мөмкин. Организмга тискәре температуралар йогынты ясый башлагач, безнең организм тиз арада җылылык бирә, өстәвенә, зур күләмдә, ләкин бу җылылык ресурслары чиксез түгел бит. Шуңа күрә салкыннарда җылы киемсез генә булырга ярамый, — дип аңлатты табиб.

Читайте нас: