Якты юлдан
+11 °С
Болытлы
Барлык яңалыклар
Жәмгыять
3 декабрь 2018, 12:36

Уфада ВИЧка бушлай экспресс-тест үтәргә мөмкин

1 һәм 3 декабрьдә Уфада ВИЧ-инфекциягә экспресс-тест буенча акцияләр уздырыла. Бөтендөнья СПИДка каршы көрәш көненә багышланган чаралар «ЧҮ, ВИЧ/СПИД» Бөтенрусия проекты чикләрендә оештырыла.

Республика Сәламәтлек саклау министрлыгының матбугат хезмәте мәгълүматы буенча, 1 декабрьдә «Башкортстан» лайфстайл үзәге биләмәсендә «Уңай мохит» төбәк җәмәгать оешмасы һәм Башкорт дәүләт медицина университеты ирекмәннәре «Үзеңнең статусыңны бел – ВИЧка тест үт» акциясен үткәрә.


3 декабрьдә Уфа автотранспорт колледжы студентлары өчен икенче «ТУКТА, ВИЧ/СПИД» акциясе була.


Алдан хәбәр ителгәнчә, бүген Башкортстанда 21 меңнән артык ВИЧ-инфекцияле исәптә тора, аларның 13 меңгә якыны — ир-егетләр, 8 мең чамасы — хатын-кыз.


ВИЧ-инфекцияле кешеләрнең якынча 12 меңе шәһәрләрдә яши, авылда яшәүчеләр – 6,8 мең, Русиянең Федераль җәза хезмәтенең Башкортстан буенча идарәлеге системасы учреждениеләрендә – 1 653 кеше, билгеле яшәү урыны булмаганнар – 800дән артык.


Башкортстан буенча авыру күрсәткече 100 мең халыкка 54,2 тәшкил итә. 2017 елның шушы ук чоры белән чагыштырганда, авыруларның 3,7% кимүе теркәлгән (100 мең халыкка 56,3 тән 54,2гә кадәр).
Читайте нас: