Сезгә ярдәм итү – безнең бурыч

Республика йортында Башкортстан Башлыгы вазыйфасын вакытлыча башкаручы Радий Хәбиров сәламәтлек мөмкинлекләре чикле балаларның ата-аналары, шулай ук, мондый гаиләләргә булышлык итүче коммерция карамагында булмаган оешмалар җитәкчеләре белән очрашты. Төбәк җитәкчесе хәбәр итүенчә, бүген республикада шундый 16,5 мең бала яши.

– Балалар чирләсә, һәрвакыт авыр. Сезгә батырлыгыгыз өчен рәхмәт белдерәм, – диде Радий Хәбиров. – Бүгенге очрашуның асылы – без сезнең тырышлыкны, ныклылыкны күрәбез, дип әйтергә телибез. Без сезгә ярдәм итәчәкбез. Бу республика Хөкүмәте эшчәнлегенең мөһим юнәлешләренең берсе булачак. Моның белән җаваплы һәм җитди шөгыльләнәчәкбез.

Очрашу барышында, шулай ук, инвалид балаларны реабилитация өчен техник чаралар, шифаханә-курортка юлламалар белән тәэмин итү, инклюзив белем бирү, мондый балалар белән эш өчен белгечләрне җәлеп итү һәм аларны укыту, балигъ булган инвалидларга булышлык итү, реабилитация үзәкләрен үстерү мәсьәләләре тикшерелде.

— Без элекке “Салют” шифаханәсе нигезендә үзенчәлекле балалар өчен заманча социаль-реабилитация комплексы төзергә карар иттек, — диде төбәк җитәкчесе. — Шулай ук, республиканың төньяк-көнчыгышында балалар поликлиникасы нигезендә тагын бер шундый үзәк булдыру планлаштырыла.

Чарада катнашучылар инвалид балаларны дәвалау өчен акчалата сертификатлар тапшыру механизмын кертү мөмкинлеген карарга тәкъдим итте. Радий Хәбиров Хөкүмәткә 1 декабрьгә кадәр әлеге мәсьәләне ата-аналар берлеге һәм иҗтимагый оешмалар белән берлектә өйрәнергә кушты.

Радий Хәбиров мондый очрашуларны елына өч тапкыр үткәрергә планлаштыруын ассызыклады.

Читайте нас:

Телефон

8(34743) 2-11-92

Адресы

452040, РБ, Бижбулякский район, с.Бижбуляк, ул. Советская, 31

Реклама хезмәте

8(34743) 2-12-83

Редакция

8(34743) 2-11-92

Кабул итү бүлмәсе

8(34743) 2-12-82

Кадрлар бүлеге

8(34743) 2-12-83