Якты юлдан
+17 °С
Яңгыр
Барлык яңалыклар
Мәгариф
13 Май 2019, 16:14

"Сары"дан "яшел"гә күчәргә вакыт

Башкортстанда Дәүләт йомгаклау аттестациясенең төп этабында 62926 чыгарылыш сыйныф укучысы катнашачак.

Бүгенге оператив киңәшмәдә бу хакта республика мәгариф министрының беренче урынбасары Илдар Мәүлетбирдин хәбәр итте.


— Әле Бердәм дәүләт имтиханын һәм Төп дәүләт имтиханын үткәрүнең төп этапларына әзерлек бара. БДИны — 19787, ә ТДИны 9нчы сыйныфны тәмамлаучы 43139 укучы тапшырачак, — диде ул.

Аның сүзләренә ярашлы, министрлык Башкортстанны федераль дәрәҗәдә ышанычның “яшел зона”сына (әле республика “сары зона”да) керүен тәэмин итүче “юл картасы” әзерләгән. Әйтик, быел төбәк җәмәгать күзәтүчеләре санын — 43тән 100гә, муниципаль җәмәгать күзәтүчеләренекен — 1500дән 1700гә, ә ситуацион үзәкләрдә эш урыннарын 70тән 150гә кадәр арттыру күздә тотыла.


— Балаларыбыз, имтиханнарны яхшы тапшырып, үзләренә имин киләчәк һәм илебезнең иң яхшы вузларына керү мөмкинлеген тәэмин итәр, дип ышанабыз, — диде Радий Хәбиров.

Читайте нас: