Түгәрәкләрдә шөгыльләнү бушлай булачак

Төбәкнең Мәгариф министрлыгында бу яңалык түгәрәкләргә һәм секцияләргә йөрүче балаларның санын арттырачак, дип белдерәләр.

Рәсми статистика күрсәтүенчә, бүген мәктәп укучыларының 78,5 проценты төрле өстәмә дәресләргә йөри. Бу санның дөресме-юкмы икәнлеген яңа электрон система эшли башлагач әйтергә мөмкин булачак.

Ата-аналар, әлеге программага теркәлеп, онлайн-режимда баласына исәптә күпмедер сум акча булган электрон документ булдыра ала. Бу сертификатны өстәмә дәресләргә, шахмат, бассейн һәм башка түгәрәкләргә түләү өчен генә кулланып була.

— Ата-аналарга электрон системада баланың кая йөриячәген билгеләргә генә кирәк булачак. Анда төбәк бюджетыннан өстәмә дәресләр өчен түләүләр юнәлтеләчәк. Әгәр бала түгәрәкне ташласа, түләүләр шунда ук туктатыла. Ә калган акчаны башка түгәрәкләр өчен тотарга мөмкин булачак, — ди мәгариф министры вазыйфасын вакытлыча башкаручы Айбулат Хаҗин.

https://kiziltan.ru/obraz/19039-tgrklrd-shgylln-bushlay-bulachak.html