Балалар бакчасында юл йөрү кагыйдәләре буенча эш оештыру.

Ает авылының «Ләйсән» балалар бакчасында балаларның юл-транспорт имгәнүләрен кисәтү буенча эш планлы, системалы, даими алып барыла. Ул «теоретик» белемнәрен бала продуктив эшчәнлек аша үткәрсен, аннан соң уеннарда һәм көндәлек тормышта балалар бакчасыннан читтә тормышка ашырсын өчен балалар эшчәнлегенең барлык төрләренә дә логик элемент булып керә. Юл чаты макетлары, юл билгеләре, светофорлар, төрле транспорт төрләре булган юл йөрү почмаклары булдырылган,алар малайлар һәм кызлар арасында да бик популяр. Балалар, яшьләренә карап, педагог ярдәмендә яисә мөстәкыйль рәвештә юл ситуацияләре уйнаталар, шәхси тәҗрибәгә нигезләнгән драма-уеннар оештыралар, белем бирү эшчәнлеге вакытында алынган белемнәрне үзләштерәләр

Балалар рәхәтләнеп юл йөрү кагыйдәләре буенча уеннар уйныйлар, моның өчен балалар бакчасы территориясендә асфальтта җәяүлеләр өчен юл аркылы чыгу урыны һәм бүлү полосасы белән киселеш ясалган, уен вакытында юл билгеләре куела, юл хәрәкәтендә катнашучылар, көйләүче сайлана.Һәм, уку елы дәвамында ата-аналар белән балалар юл-транспорт һәлакәтләрен кисәтү буенча актив агарту эшләре алып барыла.Шул ук вакытта ата-аналарның игътибарын балаларны йөрткәндә куркынычсызлык каешларын һәм балалар өчен тотып торучы җайланмаларны, шулай ук яктылык кайтаручы элементларны куллануга юнәлтәбез. Педагогларның һәм ата-аналарның балаларны юл йөрү кагыйдәләре белән таныштыру һәм аларны тормышта куллану мәсьәләсендә тырышлыклары берләштерелде. Безнең балалар киләчәктә дә юлларда үз-үзеңне тоту культурасын саклар дип ышанабыз.

Ает авылының "Ләйсән" балалар бакчасы тәрбиячесе.

Автор фотосы