«Көз, көз — кунакка кил...»

Балалар да бәйрәмчә киенгән, төсле кәгазьләрдән төрле төсле яфраклардан дәрестә үз куллары белән, өйләрендә әти-әниләре белән берлектә яшелчә битлекләре ясаган, матур җырлар, биюләр, шигырьләр әзерләп, Көз кызын каршы алдылар.

«Помидор нигә кызыл?» дигән сценка күрсәтеп алдылар. Ике командага бүленеп, балалар бик теләп төрле-төрле ярышлар үткәрделәр, табышмакларга җаваплар тапты. Әти-әниләре дә уенда рәхәтләнеп катнашты. Бәйрәм ахырында Көз кызы балаларга үзенең алып килгән күчтәнәчләрен, матур теләкләр теләп, өлeшеп чыкты. Бәйрәм балаларга да, әти-әниләргә дә ошады, күңелләренә хуш килде. Әлеге бәйрәм туган җиребезгә мәхәббәт, игенче хезмәтенә, икмәккә карата хөрмәт, халкыбызның милли йолаларына ихтирам тәрбияләү, балаларның иҗади сәләтен, сөйләм телен үстерү, балаларда җыр-биюләр, уеннар аша көзге табигатькә карата ярату хисләре тәрбияләү максаты белән үткәрелде.

Рузилә БИКТӘШЕВА,

Кыңгыр-Мәнәвез авылының «Каенкай» балалар бакчасы тәрбиячесе.