Үлем аша үлемсезлеккә

Мин тез чүкмәм,катыйль, синең алда,

Кол итсәң дә ,тоткын итсәң дә.

Кирәк икән, үләм аягүрә,

Балта белән башым киссәң дә.

Бу сүзләрдә геройның горурлыгы, фашистларга карата нәфрәт, чиксез каһарманлык яңгырый. Безнең мәктәптә һәр елны 12 февраль - җәлиллеләрне искә алу көнен билгеләп үтү традициягә әйләнде. Без М. Җәлилнең һәм аның көрәштәшләренең —җәлилчеләрнең тормыш һәм сугыш юлын бик яхшы беләбез. Бу зур эшне мәктәпнең татар теле һәм әдәбияты укытучысы Хисаметдинова Гүзәл Әхмәзетдин кызы алып бара. Чара укытучының Җәлил һәм аның көрәштәшләре турында дулкынландыргыч сүзләре белән башланып китте. Җәлилчеләр турында видео, Муса Җәлил җитәкләгән тоткыннар хоры башкаруындагы җырларны тыңлау беркемне дә битараф калдырмады, бу язманы немец эзтабарлары тапкан. Шулай ук алдан игълан ителгән шигырьләр конкурсы да узды. Сәхнәдән М. Җәлилнең татар һәм рус телләрендә шигырьләре яңгырады. Бу конкурста беренче урынны 5 сыйныф укучысы Хәбибуллин Данияр, 2 урынны 7 сыйныф укучысы Газизов Илназ, 3 урынны 6 сыйныф укучысы Нәбиуллина Ләйлә алды. Бөек шагыйрьнең шигырьләрен 5 сыйныф укучысы Сабитова Лилия, 6 сыйныф укучылары Саниев Руслан белән Гайнетдинова Элина, 7 сыйныф укучысы Каюмова Алина шулай ук сәнгатьле укыдылар.

Вакытлар узу белән без авыр сугыш елларыннан ераклашабыз. Безнең төп бурыч — яу кырында ятып калган миллионлаган корбаннар турында онытмау, Бөек Җиңүнең нинди югалтулар бәясенщ яуланганын истә тоту. Без җәлиллеләрнең якты истәлеге алдында баш иябез. Чараның шигаре 7 нче сыйныф укучылары башкаруында «Кешеләр, онытмагыз» дигән җыр булды .Әйе, безнеж онытырга хакыбыз юк...

Ләйлә Н ӘБИУЛЛИНА.
Кыңгыр-Мәнәвез авылы урта мәктәбенең 6 сыйныф укучысы.
Автор фотосы.