Балаларыбызның уңайлы укуын яхшыртыйк

Һәр кеше үз йортын үзе төзекләндерә, чөнки ул аңа нәрсә сатып алырга, төзергәме яки кирәкле урынга ремонт ясаргамы икәнлеген яхшырак белә. Урындагы инициативаларга ярдәм итү программасы торак пунктларда яшәүчеләр үзләре билгели торган проблемаларны хәл итүгә юнәлдерелгән.

Башкортстан Республикасында урындагы инициативаларга ярдәм программасы Республика Башлыгы һем Башкортстан Республикасы Хөкүмәте карары буенча Бөтендөнья банкы катнашында тормышка ашырыла. Проектның максаты - муниципалитетта акча җитмәгән безнең торак пунктыбызның проблемаларын ачыклау һәм хәл итү. Бу проблемалар су белән тәэмин итү, зур булмаган юллар, зур булмаган күперләр, мәдәният йортлары, яктырту, төзекләндерү, балалар мәйданчыклары һәм муниципаль берәмлекнең тиешле вәкаләтләренә караган башка мәсьәләләр белән бәйле булырга мөмкин. Бу максатларга Башкортстан Республикасы бюджетыннан конкурста откан муниципаль беремлеклер ала алачак субсидияләр (проектка 1 млн. сумга кадәр) бүлеп бирелген. Конкурста ике төп шартны иң яхшы тәэмин итүче торак пунктлар җиңеп чыга ала: халыкның Проектны әзерләүдә һәм тормышка ашыруда катнашуы, халыктан акча җыю.

Кыңгыр-Мәнәвез урта мәктәбенең ата-аналар советы урындагы мәктәп директорына, Кыңгыр-Мәнәвез авыл Советы авыл биләмәсе башлыгына 2021 елда урындагы инициативаларга ярдәм программасы конкурсында катнашырга кирәклеге турында мөрәҗәгать итте. Проект конкурс сайлап алу узса, авыл мәктәбе сыйныф бүлмәләрендә тәрәзәләрне алыштыру мөмкин булачак.

Кыңгыр-Мәнәвез авылы урта мәктәбе 1975 елда төзелгән. Хәзерге вакытта сыйныфлар яңа җиһазлар белән җиһазландырылган, компьютер классы бар. Укучыларны уңайлы укыту өчен барысы да бар, ләкин тәрәзә рамнары искергән, кыш көне тәрәзәләрдән җил өрә, барлык кабинетларда җилләтү өчен кыенлыклар туа. Мәктәп эшли башлаганнан бирле тәрәзәләргә ремонт үткәрелмәгән.

Кыңгыр-Мәнәвез авылы мәктәбе белән берничә буынның җылы, якты хатирәләре бәйле. Бу программада актив катнашып кына, авыл халкының бердәмлеге нәтиҗәсендә генә без мәктәбебезнең тормышын яхшырта алачакбыз.

Урындагы инициативаларга ярдәм программасы ярдәмендә мәктәптә балаларыбызны уңайлы укыту мөмкинлеге барлыкка киләчәк. Шуңа күрә, әйдәгез, бергәләп, безнең мәктәп өчен бик мөһим мәсьәләне хәл итүдә ярдәм итик.

Кыңгыр-Мәнәвез урта мәктәбенең ата-аналар советы.

Фото: https://vk.vkfaces.com