Санкт-Петербургта узачак Сабан туе датасы сайланган

Санкт-Петербург шәһәрендә быел Сабан туе уздыру датасы буенча җирле татарлар тавыш биргән. Бу хакта Санкт-Петербург татарлары автономиясе хәбәр итә.

Милли бәйрәмне июньнең 23дә яисә 29да уздырырга тәкъдим иткәннәр. Тавыш бирүчеләрнең күпчелеге соңгы датаны сайлаган. Шулай ук, алдагы еллардагы кебек үк, Сабан туен июньнең соңгы якшәмбесендә уздырырга кирәк, дигән тәкъдимнәр дә бар.