Фатих Кәримнең музей йорты Татарстан Хөкүмәте һәм авылдашлары хисабына төзекләндереләчәк

Татарстан хөкүмәте Фатих Кәримнең музей йортын төзекләндерүгә акча бүлеп биргән. Бу хакта бүген патриот шагыйрьнең 110 еллыгы хөрмәтенә оештырылган искә алу чарасында танылган журналист, җәмәгать эшлеклесе Римзил Вәлиев әйтте.

“Бөтендөнья татар конгрессы соравы буенча, Васил Шәйхразиев тәкъдиме буенча Татарстан Президенты Фатих Кәрим музеен төзекләндерү өчен яхшы гына суммада акча бүлеп бирде”, - диде Римзил Вәлиев.

Сүз Башкортстанның Бишбүләк районы Ает авылында урнашкан музей-йорт турында бара.

“Фатих Кәримгә игътибар арта бара. Без айга берничә мәртәбә Ләйлә ханым белән очрашуларга йөрибез”, - диде Фатих Кәрим белән авылдашлар булган һәм шагыйрьнең иҗатын актив пропагандалаучы журналист.

“Безнең Бишбүләк районының Ает авылында Фатих Кәримне искә алу – иң зур чара. Аның туган йорты урынында музей салынды. Аны 1999 елда ул вакыттагы район хакиме авылдашыбыз Илдар Гыймаев эшләтте. Ул музейда ел саен Фатих Кәрим укулары үтә”, - дип мәгълүмат бирде.

“Музей йортын төзекләндерү эшен Татарстан хөкүмәте һәм Башкортстанның Бишбүләк районы бергәләп башкарачак. Ремонт эшләренең бер өлешен Ает авылылыннан чыккан кешеләр күтәрә”, - дип ачыклык кертте Римзил Вәлиев.

https://tatar-inform.tatar/news/

Читайте нас:

Телефон

8(34743) 2-11-92

Адресы

452040, РБ, Бижбулякский район, с.Бижбуляк, ул. Советская, 31

Реклама хезмәте

8(34743) 2-12-83

Редакция

8(34743) 2-11-92

Кабул итү бүлмәсе

8(34743) 2-12-82

Кадрлар бүлеге

8(34743) 2-12-83