2020 елга Башкортстан Республикасы бюджеты үтәлеше турында

Закон проекты республика парламентының профиль комитеты утырышында каралды.

Шулай ук 2021 елның 10 июненнән 16 июненә кадәр Башкортстан Республикасы Дәүләт Җыелышы — Корылтае тарафыннан закон проекты буенча җәмәгатьчелек фикер алышулары уздырылды.

Закон проектында түбәндәге параметрлар бар.

2020 елда бюджет үтәлеше коронавирус инфекциясе пандемиясе таралу һәм, димәк, аныn нәтиҗәләрен бетерү, халыкның һәм икътисадның иң зыян күргән тармакларына ярдәм итү өчен чаралар күрү мөһимлеге шартларында гамәлгә ашырылды.

Гомуми икътисади хәлнең кискен начараюы, шул исәптән яңа коронавирус инфекциясе таралу сәбәпле, Башкортстан Республикасы бюджетына керемнәрнең кискен булуы тискәре йогынты ясады.

2020 елда Башкортстан Республикасы бюджетына 219,9 млрд. сум табыш керде. Шулардан салым һәм салым булмаган керемнәр 123,2 млрд. сум тәшкил итте, 2019 ел дәрәҗәсенә карата 16,1 %ка кимеде.

Салым һәм салым булмаган керемнәрнең төп чыганаклары арасында: физик затлар кеременә салым — 18,7 %, оешмалар табышына салым — 14,8 %, акцизлар — 9,7 %, милеккe салым — 6,2 %, дәүлeт милкендәге мөлкәтне кулланудан кергән табыш — 3,4 %.

Шул ук вакытта түләүсез керемнәр 2019 ел белeн чагыштырганда, 45,2 млрд. сумга, яки 1,9 тапкыр арткан һәм 96,7 млрд. сум тәшкил иткән. Yсеш, нигездә, яңа коронавирус инфекциясе таралуны профилактикалау һәм бетерү чараларын финанс белән тәэмин итүгe бәйле. Шактый финанс ярдәме социаль өлкәдә мөмкин булган тискәре тенденцияләрне саклап калырга, кирәкле акчаларны сәламәтлек саклау өлкәсенә юнәлдерергә, финанслашу күләмен һәм милли проектларны гамәлгә ашыру темпларын саклап калырга мөмкинлек бирде.

Республика бюджетының чыгым өлеше 259,4 млрд. сум күләмендә үтәлгән, үсеш — 44,2 млрд. сум.

2020 елда коронавирус инфекциясе таралу шартларында социаль йөкләмәләрне үтәү дәвам итә. Социаль ихтыяҗларга чыгымнар 192 млрд. сум яки 74 % тәшкил иткән. Аларның 66,8 млрд. сумы социаль сәясәткә (25,8 %), мәгарифкә — 56,2 млрд. сум (21,7 %), сәламәтлек саклауга — 42,7 млрд. сум (16,5 %), торак-коммуналь хуҗалыкка — 14,8 млрд. сум (5,7 %), мәдәнияткә, кинематографиягә — 7,2 млрд. сум (2,7 %), физик культура heм спортка — 2,6 млрд. сум (1,0 %), массакүләм мәгълүмат чараларына — 0,9 млрд. сум (0,3 %), әйләнә-тирә мохитне саклауга — 0,8 млрд. сум (0,3 %). Икътисадның реаль секторын үстерүгә чыгымнар — 43,9 млрд. сум (16,9%), муниципаль берәмлекләр бюджетларына бюджетара трансфертлар бирү — 12,8 млрд. сум (4,9 %), милли оборона, милли иминлек һәм хокук саклау эшчәнлеге — 2 млрд. сум (0,8 %), башка чыгымнар — 8,7 млрд. сум (3,4 %).

Коронавирус йогышы һәм пандемия нәтиҗәләре белән көрәшү һәм макроикътисади күрсәткечләрнең начараюы шартларында икътисадның тотрыклы үсешен тәэмин итy буенча чараларны гамәлгә ашыру чыгымнары 32,8 млрд. сум тәшкил иткән. Акчаның төп күлeме сәламәтлек саклауга һәм социаль сәясәткә юнәлдерелгән. Кыска гына вакыт эчендә койка фонды үзгәртелде һәм киңәйтелде, кирәкле җиһазлар һәм дарулар сатып алынды, медиклар эш шартлары белән тeэмин ителде. COVID-19 белән авыручыларга ярдәм күрсәтүче медицина һәм социаль хезмәткәрләргә түләүләр гамәлгә ашырылды.

Республиканың дәүләт бурычы 21 млрд. сум тәшкил итте. Республиканың кредит йөкләнеше түбeн дәрәҗәдә саклана.

«Moody 's Investor' s Service» heм «Fitch Ratings Inc» Халыкара кредит рейтинг агентлыклары тарафыннан республиканың кредит рейтинглары 2019 ел дәрәҗәсендә расланган («Ва1» heм «ВВВ», «тотрыклы» фаразлар). Шул ук вакытта «Эксперт РА» кредит рейтинг агентлыгы «тискәрә» фаразын «тотрыклы»га үзгәрткән.

Башкортстан Республикасы Финанс министрлыгы.

Фото: https://volbusiness.ru