Татар егете акча туплап бару өчен электрон җиһаз уйлап тапкан

Проект “Poggy” (Погги) дип атала, ул тиенләп акча җыеп бара торган җайланманың (копилка) электрон варианты. Руслан Fame Digital дип аталган команда белән бергә эшли.

Җайланма ике функция үти. Ул лампа, шул ук вакытта аңа пластик карталарны якын китереп, үзең планлаштырган сумманы (әйтик, картаны якын китергән саен 15 сум) күчереп барып була. Шулай ук смартфондагы сылтама аша картадан билгеле бер сумманы күчерүне көйләргә була. Ул PayPass, Apple Pay, Google Pay карталарыннан акча кабул итәчәк.