Бу төркем – эшкуарлар өчен

– Еш кына дәүләт ресурсларын дөрес файдаланмау, эшкуарларга булышлык итү механизмнары җитешмәве белән очрашабыз. Алар республика җитәкчесе белән тиешле бәйләнешкә керә алмый. Кире элемтә юк. Малтабарлар эшендә еш очрый торган хәл – чиновникларның вазыйфаларын усал нияттә файдаланулары турында беркемгә дә сөйли алмыйлар, – дип яза төбәк җитәкчесе.

Моңа бәйле Радий Хәбиров “Фейсбук”та бизнес белән аралашу өчен яңа төркем ачты.

– Биредә мәгълүмат кабул итәчәкмен һәм аңа җавап бирәчәкмен. Игътибар итегез, әлеге төркем – нәкъ эшкуарлар, инвесторлар, бизнесменнар өчен. Башка мәсьәләләр, дәгъвалар буенча минем социаль челтәрдәге төп битемне файдаланыгыз.