Хуҗалыкка булыштылар

Районның авыл хуҗалыгы предприятиеләре өчен квалификацияле дипломлы белгечләр әзерләүче әлеге hөнәри белем бирү учреждениесенең исеме чирек гасыр эчендә берничe тапкыр үзгәрде. Әмма хуҗалыкларда чәчү hәм урып-җыю эшләре вакытында эшче куллар җитмәсә, аларның үтенече буенча ярдәмгә килә торган күптән килгән күркәм традиция калды. Менә хәзер дә ике атна дәвамында Каменкадан Анатолий Трофимов крестьян (фермер) хуҗалыгында Бәләбәй авыл хуҗалыгын механикалаштыру hәм электрлаштыру колледжы филиалының автомеханиклар төркеменнән биш укучы Николай Спиридонов, Сергей Любаев, Николай Ращепкин, Артем Максимов hәм гомумтөзелеш эшләренең булачак мастеры Линар Әхмәтов бик яхшы эшләде. Алар район авыл хуҗалыгы идарәсенең баш инженеры Виталий Ерофеев белән бергә хуҗалыкка булган техниканы, тагылма механизмнарны hәм җиhазларны кышкы саклауга куюда булышты. Күп эш башкарылды: машина-трактор паркы территориясендә барлык үлән чабылды hәм чистартылды, механизмнарның узелларын сүтеп алдылар, чистарттылар hәм майладылар, аларны терeкләргә куйдылар. Парк территориясе тулысынча үзгәрде. Барысы да башкарылган эшләрдән канәгать калды. Биредә егетләргә кайнар аш ашаттылар hәм башкарылган эш өчен түләделәр.

Владимир СМОЛОВ.

Автор фотосы.